Аграрыям Нігерыі будзе перададзена беларуская сельгастэхніка

Беларускую сельгастэхніку 23 чэрвеня перададуць аграрыям Нігерыі ў рамках рэалізацыі дарожнай карты, якую краіны падпісалі ў Мінску ў 2024 годзе.

У Абуджу прыбыла ўрадавая дэлегацыя з Беларусі на чале з віцэ-прэм'ерам Віктарам Каранкевічам і кіраўніком МЗС Максімам Рыжанковым для ўдзелу ва ўрачыстай цырымоніі і правядзенні перамоў з афрыканскімі партнёрамі.

Прадметна наконт паставак тэхнікі, навучання спецыялістаў і стварэння сэрвісных цэнтраў пагаварылі вечарам 22 чэрвеня на сустрэчы з міністрам сельскай гаспадаркі Нігерыі.