Аліеў: Адносіны Беларусі і Азербайджана будуюцца на падтрымцы і актыўным узаемадзеянні

Беларусь і Азербайджан знаходзяцца ў актыўнай прапрацоўцы новых пунктаў росту і праектаў, якія прынясуць выгаду абедзвюм краінам. 6 мая ў Баку прайшла сустрэча прэм'ер-міністра нашай краіны Аляксандра Турчына з прэзідэнтам Азербайджана Ільхамам Аліевым.

Гандлёва-эканамічнае супрацоўніцтва расце. Краіны рэалізуюць шэраг сумесных вытворчасцяў. Ільхам Аліеў падкрэсліў, што адносіны двзюх краін будуюцца на падтрымцы і актыўным узаемадзеянні. Вялікі патэнцыял Азербайджан бачыць у супрацоўніцтве ў сельскай гаспадарцы, і гэта не раз абмяркоўвалася на высокім узроўні, таксама перспектыўным лічыць узаемадзеянне краін у ваенна-тэхнічнай сферы і многіх іншых кірунках.

Пасля ўрадавая дэлегацыя накіравалася ў горад Фізулі. Аляксандр Турчын разам са сваім калегам Алі Асадавым наведае аднаўляльныя тэрыторыі і шэраг вытворчых аб'ектаў. Таксама сёння будзе перададзена камунальная машына МАЗ Службе аднаўлення, будаўніцтва і кіравання рэгіёна.