Беларусь і Карэлія абмеркавалі перспектывы супрацоўніцтва

Беларусь рэалізуе саюзныя праекты па імпартазамяшчэнні. З Карэліяй - гэта вытворчасць лесанарыхтоўчай тэхнікі і рухавікоў для БЕЛАЗа. Тавараабарот з расійскім рэгіёнам дасягнуў 100 млн долараў. Далейшыя перспектывы для развіцця пасол Беларусі ў Расіі абмеркаваў з кіраўніком Карэліі.

Дарэчы, у Петразаводску працуе завод "Амкадар-Анега" - сумесны беларуска-расійскі праект па вытворчасці лесанарыхтоўчай тэхнікі. Паступова магутнасць плануюць нарасціць да 500 машын за год. Праект дазволіць цалкам замяніць імпарт.

Кіраўнік Карэліі прапанаваў сумесна з Беларуссю рэалізоўваць і незвычайныя праекты. Гэта датычыцца карысных водарасцяў, якія растуць у Белым моры, для вытворчасці дзіцячага харчавання, а таксама вырошчвання карэльскай бярозы. У сваю чаргу беларускі бок прапаноўвае вопыт у будаўніцтве школ, дзіцячых садкоў, стадыёнаў і сацыяльнага жылля.