Беларусь і Нікарагуа падпісалі кантракты на 36 млн долараў

Беларусь пашырае супрацоўніцтва з Цэнтральнай Амерыкай. Кантракты на 36 млн долараў падпісалі ў Манагуа па выніках пасяджэння сумеснай беларуска-нікарагуанскай камісіі па гандлёва-эканамічным супрацоўніцтве.

Беларусь аказвае і экспартную падтрымку ў пастаўках тавараў на рынак Цэнтральнай Амерыкі. Перамовы ў Манагуа - гэта магчымасць абмеркаваць, што можам яшчэ прапанаваць адзін аднаму. Прычым гэты спіс адкрыты.

Беларусь адкрывае для Нікарагуа вялікі рынак ЕАЭС. І гэта вельмі цікава нашым партнёрам. Яны пацвердзілі, што прыедуць у нашу краіну ў чэрвені на еўразійскі форум. У той жа час і Нікарагуа - гэта цэнтр у Цэнтральнай Амерыцы і магчымасці для нашых тавараў вялікія.

Акрамя таго, Беларусь гатова дзяліцца тэхналогіямі ў вырошчванні гародніны і вытворчасці малочных прадуктаў. Перспектыўныя праекты - у фармацэўтыцы, выпуску медыцынскіх вырабаў і адукацыі.