Беларусь і Татарстан абмеркавалі дасягнутыя вынікі сумеснай працы ў машынабудаванні

Візіт урадавай дэлегацыі нашай краіны быў перанесены з-за абмежаванняў у працы аэрапорта Казані. З кіраўніком Рэспублікі Татарстан Рустамам Мініханавым сустрэўся наш пасол Аляксандр Рагожнік.

Бакі падкрэслілі важнасць двухбаковых сувязяў на фоне цесных саюзніцкіх адносін. Спалучэнне нашых патэнцыялаў і глыбокая кааперацыя дазваляюць строіць самыя смелыя планы. І галоўнае - ёсць, на што абапірацца. Для даведкі: Татарстан займае 9 месца па ўзаемным гандлі (сярод рэгіёнаў усходняй краіны - суседкі) і 8 па аб'ёмах экспарту.

Вынікі сумеснай працы сёння можна ўбачыць у машынабудаванні, размова ідзе аб пляцоўцы "МТЗ-Татарстан", дзе сёння, дарэчы, урачыста перадалі чарговую партыю беларускіх машын. Каля 70 % трактароў, якія працуюць на палях Татарстана, беларускай вытворчасці. За 2024 год з гэтай пляцоўкі было рэалізавана 4,5 тыс. адзінак тэхнікі.

За гады сваёй дзейнасці пляцоўка ў Елабуге забяспечыла надзейны шлях дзясяткаў тысяч машын ад нашых заводаў да канчатковага спажыўца. Тут адказваюць за пастаўкі ў Прыволжскую і Уральскую федэральныя акругі.