Беларускі салодкі ласунак паставяць у Кітай

Пробная партыя класічнай беларускай згушчонкі будзе адпраўлена на кітайскі рынак - у правінцыю Хэйлунцзян.

Кантракт на пастаўку салодкага ласунку - вынік візіту дэлегацыі з КНР, якая нядаўна азнаёмілася з умовамі вытворчасці на Рагачоўскім малочна-кансервавым камбінаце, асартыментам і якасцю прадукцыі, а таксама патэнцыялам прадпрыемства. Яго магутнасці дазваляюць выпускаць за суткі 300 тысяч банак згушчонкі: варанай класічнай, з напаўняльнікамі, з фруктозай для дыябетыкаў і безлактозной для прыхільнікаў здаровага харчавання.

"Кітайскі рынак бязмежны. Так, гэта будзе невялікая партыя - да 5 тысяч бляшанак, але ёсць патэнцыял, ёсць бачанне нашых партнёраў таго, што рэалізацыю можна і трэба павялічваць. Ужо распрацаваны новы дызайн этыкеткі, зараз знаходзіцца на ўзгадненні ў нашых партнёраў, ёсць цяжкасці перакладу, але гэта ўсё з часам наладзіцца", - расказаў намеснік гендырэктара Рагачоўскага малочна-кансервавага камбіната Аляксандр Сазонаў.

Рагачоўскі малочна-кансервавы камбінат выпускае каля 100 відаў прадукцыі. Гэта адзін з найбуйнейшых вытворцаў на тэрыторыі краін СНД. У прадпрыемства наладжаны гандлёвыя сувязі з 20 краінамі. З апошніх - Іарданія, Аб'яднаныя Арабскія Эміраты, Ізраіль.