Беларускія кампаніі будуць газіфікаваць расійскія рэгіёны

Беларусь і Расія пашыраюць узаемадзеянне ў газавай сферы. 10 кастрычніка на Пецярбургскім газавым форуме падпісаны мемарандум аб супрацоўніцтве паміж урадам нашай краіны і Газпрамам. Гэта адкрывае вялікія перспектывы для саюзнага супрацоўніцтва ў газавай прамысловасці. Так, беларускія кампаніі будуць газіфікаваць адразу некалькі расійскіх рэгіёнаў.

Таксама 10 кастрычніка на палях форуму праходзіць стратэгічная сесія, дзе спецыялісты абмяркоўваюць выкарыстанне беларускай кар'ернай і спецыялізаванай тэхнікі ў газавай і горназдабыўной прамысловасці Расіі. Шматлікія ўзоры можна ўбачыць прама на выставе форуму. Сёлета беларусы прывезлі шмат навінак.

Напрыклад, першы ў свеце збожжаўборачны камбайн "Палессе" на звадкаваным прыродным газе. Гэта беларуска-расійскі праект, яркі прыклад імпартазамяшчэння. З сельгастэхнікі таксама прадэманстраваны наш трактар "Беларус", які працуе на блакітным паліве, і, вядома, 90-тонны БЕЛАЗ на ЗПГ.

Летась ён паспяхова прайшоў выпрабаванні, сёння дзясяткі такіх машын ужо працуюць на вугальных кар'ерах Кузбаса.