Кітай запрашае беларускія прадпрыемствы ў порт свабоднага гандлю, а грамадзян - адпачнуць на Хайнані

Беларусь і Кітай пашыраюць супрацоўніцтва. Адна з новых магчымасцяў для нас - развіццё порта свабоднага гандлю на кітайскім востраве Хайнань.

Тут плануецца стварыць выгадныя ўмовы для інвестыцый і вядзення бізнесу і тым самым зацікавіць больш рэгіянальных і глабальных кампаній. Прадпрыемствы, якія будуць працаваць у порце, атрымаюць шэраг пераваг.

Будаўніцтва - важная стратэгічная ініцыятыва палітыкі рэформ і адкрытасці Кітая. Праект падтрымлівае асабіста Сі Цзіньпін.

Паднябесная запрашае прадстаўнікоў беларускіх прадпрыемстваў наведаць Хайнань для вывучэння магчымасцяў і развіцця супрацоўніцтва. Кітай - другі па велічыні гандлёвы партнёр Беларусі. Кааперацыя магчымасцяў нашых краін у машынабудаванні, сельскай гаспадарцы і ахове здароўя развіваецца паскоранымі тэмпамі, а сумесныя праекты (такія як індустрыяльны парк "Вялікі камень") прызнаныя эфектыўнымі.

Хайнань - гэта выдатнае месца для адпачынку. Клімат, бязвізавы рэжым і зручныя авіязносіны дазваляюць беларусам правесці ў гэтай правінцыі незабыўны водпуск.