На ААТ "Івацэвічдрэў" асвоілі выпуск ламініравання драўняна-стружкавых пліт

Новую лінію ламініравання драўняна-стружкавых пліт уласнай вытворчасці запусцілі на прадпрыемстве ААТ "Івацэвічдрэў".

Выпускаць, у прыватнасці, будуць пліты з глыбокімі структурамі паверхні і пліты, дзе цісненне паверхні максімальна імітуе натуральную драўніну і іншыя матэрыялы. Таксама ўпершыню на беларускім рынку ламініраваных ДСП з'явіцца магчымасць сінхранізацыі дэкору і ціснення на абедзвюх плоскасцях. Усё гэта дазволіць прадпрыемству павялічыць аб'ём выпуску ламініраваных пліт у 1,5 раза. Рэалізавалі задуманае дзякуючы праграме "Адзін раён - адзін праект". Дарэчы, сведкамі запуску ўнікальнай лініі сталі і самыя актыўныя маладыя людзі Брэстчыны. Тут з імі сустрэўся кіраўнік рэгіёна Пётр Пархомчык.

Сёння больш за 65 % прадукцыі прадпрыемства ідзе на экспарт. У будучыні тут плануюць пабудаваць новы завод ДСП. Ён будзе большы за цяперашні амаль у два разы. Намечана стварэнне і новай фабрыкі па вытворчасці мэблі і слоістых пластыкаў.