Новы рэкорд - беларускія нафтавікі прасвідравалі 31,25 км горных парод

Беларускія нафтавікі паставілі новы гістарычны рэкорд свідравання горных парод.

Гэта заслуга калектыву Светлагорскага упраўлення свідравых работ, іх згуртаванай і прафесійнай каманды. За апошні месяц спецыялісты прайшлі 31 км 250 м горных парод. Папярэдні рэкорд быў пастаўлены сёлета ў жніўні.

Гэта не адзінае дасягненне беларускіх нафтавікоў. Рэкорд абнавіў і калектыў упраўлення па павышэнні нафтааддачы пластоў і рамонце свідравін. За лістапад яны прасвідравалі 5 км 302 м горных парод. Расце і фонд свідравін, нядаўна ён прырос на 8 новых аб'ектаў.