Пры БелГПП створаны Савет кіраўнікоў юрслужбаў прадпрыемстваў. Якая мэта новай пляцоўкі?

Савет кіраўнікоў юрыдычных службаў прадпрыемстваў створаны пры Беларускай гандлёва-прамысловай палаце.

Актуальныя пытанні прававой арганізацыі працы бізнесу ў цяперашніх няпростых умовах абмеркавалі на першым яго пасяджэнні. Эксперты і практыкі разгледзелі нядаўнія змены ў Грамадзянскім кодэксе, якія закранулі арганізацыю экспарту, дамоўнага права і абароны аб'ектаў інтэлектуальнай уласнасці. Галоўная мэта - аб'яднаць айчынныя прадпрыемствы, зрабіць так, каб ім было максімальна камфортна і эфектыўна працаваць на знешніх рынках.

Новая пляцоўка - платформа для абмеркавання актуальных пытанняў бізнесу. Сёння важна аб'ядноўваць спецыялістаў для абмену вопытам, адзначылі ўдзельнікі пасяджэння.