Русы: Сельгаспрадукцыя Беларусі пастаўляецца ў 103 краіны

У свеце захоўваецца высокі попыт на беларускую сельгаспрадукцыю. Сёння яна пастаўляецца на рынкі 103 краін. Такую заяву зрабіў член Савета Рэспублікі Міхаіл Русы на палях шостага Неўскага экалагічнага кангрэса.

Мерапрыемства праводзіцца з мэтай умацавання міжпарламенцкага супрацоўніцтва ў сферы гарантавання экалагічнай бяспекі дзяржаў - удзельніц СНД. І Беларусі ёсць чым падзяліцца.

Паводле даных Харчовай і сельскагаспадарчай арганізацыі ААН, наша краіна займае трэцяе месца ў свеце па вытворчасці льновалакна, чацвёртае - жыта і трыцікале, дзясятае - грэчкі. Уваходзіць у топ-20 па вытворчасці цукровых буракоў, рапсу, аўсу, бульбы. Усяго гэтага немагчыма было б дасягнуць без увагі Прэзідэнта да сферы АПК і яго даручэнняў, рэалізацыя якіх у свой час здавалася чымсьці невыканальным. Аднак, як паказала практыка, менавіта стратэгічныя падыходы кіраўніка дзяржавы да развіцця галіны далі свой вынік. І сёння наша краіна па праве можа ганарыцца лідарскімі пазіцыямі па шматлікіх паказчыках.

На круглых сталах і сесіях дзелавой праграмы кангрэса былі ўзняты пытанні і кліматычных рызык, устойлівага экатурызму, прымянення штучнага інтэлекту і лічбавых рашэнняў у сферы экалогіі, міжнароднага супрацоўніцтва краін БРІКС, развіцця эканомікі замкнутага цыклу, і зялёных інвестыцый.