У Беларусі ў кастрычніку вырасла сярэдняя зарплата

У Беларусі вырасла сярэдняя зарплата.

Намінальная налічаная заработная плата ў кастрычніку дасягнула 2363 руб. 40 кап. Гэта да вылічэння падаходнага падатку. Да вераснёвага ўзроўню зарплата сярэднестатыстычнага беларуса стала большай практычна на 50 рублёў.

Трэба сказаць, што сумы павялічыліся ва ўсіх рэгіёнах, аднак найбольш адчувальна ў Мінску і  Брэсцкай вобласці. Так, напрыклад, жыхары сталіцы атрымліваюць у сярэднім 3150 рублёў, што на 100 рублёў больш, чым месяцам раней.