Якія выплаты атрымаюць беспрацоўныя пры працаўладкаванні з пераездам у сельскую мясцовасць

У Беларусі зменены парадак працаўладкавання беспрацоўных з пераездам у сельскую мясцовасць.

7 лютага ўступае ў сілу абноўленая інструкцыя. Грамадзяне зараз могуць разлічваць на суму, роўную 9-кратнаму памеру бюджэту пражытачнага мінімуму, гэта значыць больш як 4 тыс. рублёў. Для гэтага неабходна заключэнне трохбаковага дагавора паміж органам па працы, занятасці і сацабароне, беспрацоўным і наймальнікам. Дагавор рэгламентуе ўмовы пераезду і працаўладкавання, гарантуе выплату фінансавай дапамогі і кантроль за выкананнем дагаворных абавязацельстваў.

Праграма таксама прадугледжвае стварэнне спрыяльных умоў для пераезду цэлых сем'яў.