У "Вялікім камені" адкрыўся новы вытворчы цэх па станкабудаванні

"Вялікі камень" працягвае пацвярджаць статус высокатэхналагічнай пляцоўкі. Сёння адбылося адкрыццё новага вытворчага цэха па станкабудаванні.

На ўрачыстае адкрыццё прыехалі і партнёры прадпрыемства па вытворчасці металаапрацоўчага абсталявання.

Чырвоная стужка перарэзана. А значыць, пачатак пакладзены. Сёння "Вялікі камень" прыняў у сваю вялікую сям'ю новую пляцоўку - вытворчы цэх. Аб'ект важны не толькі ў рамках "Вялікага каменя", але і краіны. Бо менавіта адсюль у хуткім часе, а калі быць дакладней - у лістападзе, выйдуць першыя станкі.