Заходнія партнёры праяўляюць цікавасць да аднаўлення адносін з Беларуссю

У якім кірунку беларускім прадпрыемствам рухацца, каб не знізіць аб'ёмы экспарту, і як сёння бізнес супрацьстаіць санкцыям, абмеркавалі ў Мінску на мерапрыемстве агульнарэспубліканскага маштабу.

Семінар пад назвай "Абмежавальныя меры ў сусветным гандлі не перашкода, а новыя правілы гульні" прайшоў пад эгідай Беларускай гандлёва-прамысловай палаты. Спецыялісты адзначаюць, за апошнія некалькі гадоў Беларусь ужо назапасіла ўласны вопыт, як працаваць у новых умовах.

Відавочна, дарога да новых рынкаў не бывае простай, але па дынаміцы знешняга гандлю бачна, што Беларусь дабаўляе па новых кірунках, з якімі раней не ўзаемадзейнічала, а таксама ўмацоўвае пазіцыі на нашых традыцыйных.