Замена абсталявання на Рагачоўскім МКК дае добрыя вынікі

У цэху натуральнамалочнай прадукцыі Рагачоўскага малочна-кансервавага камбіната замянілі абсталяванне па тэрмічнай апрацоўцы малака і ўсталявалі комплексную аўтаматызаваную лінію. Тэхнічная мадэрнізацыя ў рамках інвестпраекта дае добрыя вынікі, напрыклад, магчымасць выпускаць прадукцыю з больш працяглым тэрмінам захоўвання - ад 6 да 12 месяцаў.

Павялічваюцца і аб'ёмы сыравіны, якая перапрацоўваецца. Зараз цэх можа прымаць за суткі да 50 т малака экстра-класа. З канвеераў новай лініі сыходзяць пітныя вяршкі і стэрылізаванае малако з вітамінным прэміксам (гл. відэа).