Жніво-2025. Аграрыі Мінскай вобласці ўбралі больш за 35 % азімага ячменю

Палявыя работы ў Беларусі ў актыўнай фазе. Аграрыі Мінскай вобласці ўбралі больш за 35 % азімага ячменю. Тэмпы ўборачнай кампаніі сёлета стрымлівае няўстойлівае і дажджлівае надвор'е. На асноўных палях збожжавыя культуры яшчэ не даспелі.

Між тым ураджайнасць азімага ячменю ўжо складае амаль 46 цэнтнераў з гектара. У параўнанні з 2024 годам паказчыкі вышэй. На чарзе ўборка азімага рапсу. У жніве-2025 будзе задзейнічана больш чым 1500 камбайнаў.

Сёлета ў Мінскай вобласці збожжавымі культурамі занята больш як 380 тыс. гектараў, рапсам - звыш 90 тыс. Ужо ёсць лідары-тысячнікі. Аграрыі з Клецка першымі ў краіне намалацілі на айчыннай тэхніцы і перавезлі тысячу тон збожжа новага ўраджаю.