Больш як 250 аўдыятвораў сабраныя ў мабільным дадатку "Чытанка"

Скарбы беларускага слова - у смартфоне. Больш як 250 аўдыятвораў - ад класікі да сучаснасці - сабраныя ў мабільным дадатку "Чытанка". У ім захаваліся ўнікальныя запісы, дзе радкі ажываюць галасамі саміх творцаў.

Для зручнасці ўкаранілі шэраг функцый: зараз можна адзначаць і захоўваць улюбёныя кнігі для хуткага доступу, а таксама дзяліцца імі ў сацсетках і месенджэрах.

Дадатак створаны пад эгідай Міністэрства інфармацыі сумесна з Белтэлерадыёкампаніяй і Беларускім дзяржархівам кіна-фотафонадакументаў.