"Час танцаваць". 40 калектываў з усёй Беларусі пакажуць свае таленты ў фінале конкурсу ў Мінску

У Мінску стартаваў фінал IV Адкрытага рэспубліканскага конкурсу харэаграфічнага мастацтва "Час танцаваць".

За першынство змагаюцца прэтэндэнты ў шасці ўзроставых катэгорыях. Сёлета заявіць аб сваім таленце вырашылі больш за тысячу ўдзельнікаў з розных рэгіёнаў Беларусі. На конкурс было заяўлена 40 калектываў з усёй краіны.

У канцэртнай зале "Мінск" пануе драйвовая атмасфера. 5 красавіка прагучаць імёны трыумфатараў конкурсу "Час танцаваць". За перамогу змагаюцца салісты, ансамблі і калектывы ў пяці намінацыях.

Традыцыйна найбольшая колькасць заявак у намінацыі "Народны танец" - 34 нумары толькі ў гэтай катэгорыі. Усяго мовай танца будуць паказаны 85 конкурсных нумароў, якія прайшлі ў фінал.

Сёлета было прынята рашэнне заснаваць дадатковыя прызы за ўвасабленне харэаграфіі па тэме 80-годдзя Вялікай Перамогі і дадатковы прыз за лепшую балетмайстарскую работу.