Галерэя "Мара" ў Нясвіжы запрашае акунуцца ў чароўны свет старажытнай і сучаснай культуры

Сучасны цэнтр культурнага жыцця Нясвіжа - мастацкая галерэя "Мара" - запрашае на персанальныя і зборныя выставы.

Зараз там на другім паверсе размясцілася аўтарская экспазіцыя прафесійнага жывапісца і графіка Марыны Мары. Першы ж паверх - у антуражы творчага мікса: работы Ігара і Алены Бархатковых, Аляксандра Дзямідава, Кацярыны Філюты, Уладзіміра Канцадайлава. У зборную экспазіцыю гарманічна ўпісаўся і фарфор.

Галерэя "Мара" - папулярная турыстычная арт-прастора Нясвіжа. Тым самым горад дэманструе гасцям не толькі старажытныя помнікі архітэктуры і мастацтва, але і набыткі сучаснай культуры.