Гісторыя праз мастацтва. Жыхары Магілёўскай вобласці сталі часткай канцэрта "Кожны трэці"

У Палацы Рэспублікі працягваецца серыя канцэртаў "Кожны трэці". 10 красавіка яго гледачамі сталі прадстаўнікі Магілёўскай вобласці.

На працягу ўсяго тыдня праект выклікае эмоцыі. Гэта не сухія лічбы - архіўныя фота і відэа, музыка - перадаюць трагедыю і боль беларускага народа.

Зала не стрымлівае слёз з першых хвілін... А размешчаныя ў холе палаца экспазіцыі дапамагаюць прачуць, што мы як нашчадкі пераможцаў разам захоўваем іх дасягненні.

10 красавіка Палац Рэспублікі стаў цэнтрам прыцягнення магілёўцаў. Яны чакалі гэтага дня з нецярпеннем. Падрыхтавана глыбокая і кранальная праграма.

Ужо з першых крокаў у палац арганізаваны тэматычныя выставы. Тут можна ўбачыць артэфакты, знойдзеныя сучаснікамі. Прадметы ўжытку, гільзы, жэтоны. Ажыятаж выклікала і дэгустацыя самага цэннага прадукта тых гадоў - хлеба. Яго рэцэптуру ўзнавілі сталічныя ўмельцы, па тым самым ДАСТе вайны.

Даніна павагі тым, хто змагаўся за свабоду, - гэта маштабны канцэрт-рэквіем. Эмацыйныя выявы і эфекты пераносяць гледачоў у далёкія саракавыя. Аб гэтым беларусам цяжка і балюча ўспамінаць. Маштаб народнай трагедыі ў самой назве - "Кожны трэці".

Працягласць канцэрта 80 хвілін. У зале людзі розных пакаленняў. Трагедыя Вялікай Айчыннай закранула кожную беларускую сям'ю, таму і праграма канцэрта адклікаецца ў душы як асабісты боль.