Колькі кніг у бібліятэчным фондзе Беларусі? Белстат падлічыў

Бібліятэчны фонд Беларусі налічвае амаль 50 млн кніг, а ў траціны беларусаў ёсць білет чытача. Такія лічбы паведаміў Нацыянальны статыстычны камітэт. Спецыялісты палічылі самае важнае ў культурнай сферы за 2024 год.

У краіне каля 6 тыс. гісторыка-культурных каштоўнасцяў. У спісе архітэктурныя помнікі, прадметы мастацтва, аб'екты археалогіі, горадабудаўніцтва і запаведныя мясціны. Музеі па ўсёй краіне (іх 155) наведалі амаль 9 млн чалавек. Музейныя прадметы асноўнага фонду вылічваюцца 3 млн 600 тыс. адзінак. У топе самых наведвальных Брэсцкая крэпасць-герой, Музей гісторыі Вялікай Айчыннай вайны, Нацыянальны гісторыка-культурны музей-запаведнік "Нясвіж".

Любяць беларусы і тэатры. Каля 2 млн жыхароў рэспублікі сталі гледачамі ў аксамітавых залах прафесійных тэатраў. А іх у нашай краіне 28.