Як у Слуцку прайшоў пяты рэспубліканскі фестываль "Тэатральныя скрыжаванні"

Горад са слаўнай гісторыяй і багатымі культурнымі традыцыямі - Слуцк - на час пераўтварыўся ў вялікую тэатральную залу.

Горад прымаў пяты рэспубліканскі фестываль "Тэатральныя скрыжаванні". Гэта агляд-конкурс аматарскіх калектываў краіны.

Тэатр пачынаецца з вешалкі - тэатральны фестываль у Слуцку стартаваў з… карэт! Казачныя конныя экіпажы даставілі да галоўнай пляцоўкі форуму членаў журы.

Слуцкія "Тэатральныя скрыжаванні" - пяты раз збіраюць сяброў! Форум аматарскіх калектываў па традыцыі аб'ядноўвае тэатралаў з усіх куткоў Беларусі. Хтосьці - канкурсант (фестываль задуманы як агляд дасягненняў са сваімі намінацыямі і Гран-пры), хтосьці - госць (проста паглядзець, паслухаць, паапладзіраваць), а хтосьці - удзельнік інтэрактыўных пляцовак, якімі Слуцк здзіўляе не менш, чым спектаклямі на галоўнай сцэне.

Гэтыя людзі займаюцца тэатральным мастацтвам для сябе, па-за працоўным часам. Па прафесіі яны настаўнікі, урачы, міліцыянеры, банкаўскія работнікі, бібліятэкары і вадзіцелі. Узроставага цэнзу няма: артыстам гэтых труп ад 12 да 75 гадоў!

Беларускі прафесійны тэатр пачынаўся як аматарскі. Стагоддзі таму народныя святы ўпрыгожвалі артысты з народа - яны пераапраналіся ў персанажаў Каляд, Купалля, вадзілі карагоды, весялілі людзей. У 16 стагоддзі з'явілася батлейка - таксама народны тэатр. І гарадскі тэатр 18 стагоддзя, куды таксама ўваходзілі таленты-аматары - знакамітыя трупы Ігната Буйніцкага і Уладзіслава Галубка. І сённяшні аматарскі тэатр - гэта яркая фарба ў мастацтве Мельпамены!

Самымі яркімі па выніку форуму-2025 сталі народныя тэатры з Жодзіна і Ваўкавыска - уладальнікі Гран-пры. Зрэшты, прайграўшых у такім свяце няма і быць не можа. Фестываль - гэта вопыт для ўдзельнікаў і феерыя эмоцый для гледачоў.