Майстар-класы, сустрэчы і выставы. Раскажам, як праходзіць другі дзень "Марафон адзінства" ў Брэсце

Майстар-класы, знакавыя сустрэчы, квэст, выставы. "Марафон адзінства" - другі дзень у Брэсце. Мерапрыемствы праходзяць на розных пляцоўках. Галоўнай жа 21 снежня стала тэрыторыя Лядовага палаца.

Ля Лядовага палаца сёння асабліва ажыўлена. Вялікае свята працягвае збіраць тысячы гасцей. Раніцай тут прайшоў квэст "Гэта ўсё маё роднае". Працуюць гандлёвыя пункты і шэраг экспазіцый.

Паводле традыцыі разам з марафонам прыязджае перасоўная выстава Музея гісторыі Вялікай Айчыннай. Таксама свае лепшыя распрацоўкі і смачную прадукцыю прадстаўляюць прадпрыемствы першага рэгіёна. Знаёмяць гасцей і з будучым Рэспубліканскім цэнтрам патрыятычнага выхавання моладзі, які ствараюць на Кобрынскім умацаванні Брэсцкай крэпасці.

Зусім хутка і кульмінацыя "Марафона адзінства" - канцэрт "Час выбраў нас". Сцэну арганізавалі на лядовай арэне.

Фота БЕЛТА