У мінскім метро пасажыраў віншуюць Дзед Мароз са Снягуркай

Не да выхадных зараз галоўным навагоднім персанажам: Дзеду Марозу і Снягурцы. У іх самы разгар работы: дарыць радасць і ствараць святочны настрой. Нават у метро.

Атмасфера свята літаральна напаўняе беларускую сталіцу, прычым як на паверхні, так і пад зямлёй. У Мінскім метрапалітэне пасажыраў сустракаюць Дзед Мароз і Снягурка. Чараўнікі дзеляцца пажаданнямі, віншаваннямі і дораць салодкія падарункі.

Такі сюрпрыз для стварэння святочнага настрою і цёплых эмоцый ад работнікаў метро. У незвычайных касцюмах супрацоўнікі падземкі. Яны знайшлі час у шчыльным графіку, каб падарыць казку пасажырам.

Асаблівая радасць, вядома ж, дзецям. Цукеркі атрымаюць усе, але не проста так. Па традыцыі для падземнага Дзеда Мароза трэба праспяваць навагоднюю песню або прачытаць верш.

Сустрэць зімовых чараўнікоў можна не толькі на "Купалаўскай" і "Кастрычніцкай". Да 1 студзеня каманда казачных персанажаў будзе перамяшчацца па ўсіх трох ветках мінскага метро. Сустрэць іх на пероне або ў вагоне - добрая прымета: да поспеху ў новым годзе.

Работнікі метрапалітэна пастараліся таксама дадаць святочныя акцэнты і ў вестыбюлях. На станцыі "Плошча Леніна" красуецца натуральная ёлка.

Па асаблівым графіку будзе працаваць мінскае метро ў навагоднюю ноч. З паўночы да 4 гадзін раніцы інтэрвал руху цягнікоў на сіняй і чырвонай ветках складзе 6 хвілін, а на зялёнай ветцы - 8 хвілін.