Прамы рэйс авіякампаніі Air China звязаў Мінск і кітайскі Сіянь

Адбылося адкрыццё першага рэйса авіякампаніі Air China, які звязаў кітайскі горад Сіянь і Мінск, паведамляе БЕЛТА са спасылкай на прэс-службу Нацыянальнага аэрапорта Мінск.

Прамыя рэгулярныя рэйсы будуць выконвацца раз на тыдзень у суботу на авіялайнеры Airbus A330-200. Адпраўленне з Сіяня - 14:20, прыбыццё ў Мінск - 18:40. Адпраўленне з Мінска - 20:40, прыбыццё ў Сіянь - 10:00 (прылёт на наступны дзень).