Беларусь і Алжыр падпісалі мемарандум аб супрацоўніцтве паміж парламентамі дзвюх краін

Міжпарламенцкія адносіны Беларусі і Алжыра выходзяць на больш сістэмны ўзровень. 25 мая падпісаны мемарандум аб супрацоўніцтве паміж Палатай прадстаўнікоў Нацыянальнага сходу Беларусі і Нацыянальным народным сходам парламента Алжырскай Народнай Дэмакратычнай Рэспублікі.

Парламенцкая дэлегацыя гэтай краіны знаходзіцца з візітам у Мінску. Галоўнай задачай парламентарыяў з'яўляецца рэалізацыя дамоўленасцяў, дасягнутых на вышэйшым узроўні. Летась падпісана дарожная карта, а таксама сумесная заява кіраўнікоў дзяржаў аб умацаванні сяброўства і партнёрства, дзе зафіксаваны ключавыя кірункі супрацоўніцтва.