Беларусь і Ліван адкрываюць новыя магчымасці

Ад паставак прадуктаў харчавання, ветпрэпаратаў і сельгастэхнікі да пытанняў навучання кадраў і стварэння сумесных прадпрыемстваў - беларуская дэлегацыя на гэтым тыдні правяла серыю сустрэч у Ліване. 11 чэрвеня была асаблівая місія - у дарунак ліванскаму народу былі перададзены машыны хуткай дапамогі і прадукцыя беларускай вытворчасці. Такім было рашэнне Прэзідэнта Беларусі Аляксандра Лукашэнкі. Груз авіябортам дастаўлены ў аэрапорт Бейрута.

Пакуль раніцай самалёт з доўгачаканым грузам на борце ажыццяўляе пасадку ў аэрапорце Бейрута, беларуская дэлегацыя не марнуе час. Першыя перамовы літаральна за 100 метраў ад узлётна-пасадачнай паласы.

Ад паставак медтэхнікі і лекаў да падрыхтоўкі кадраў для аховы здароўя. У Беларусі штогод навучаецца больш за 600 студэнтаў, звыш 500 з якіх - медыкі. Многія вяртаюцца дахаты, каб там ратаваць жыцці. Гучаць прапановы павялічыць у нашых ВНУ набор ліванскіх урачоў і іншых спецыялістаў (падрабязнасці ў відэа).