Бесчалавечны акт - МЗС Беларусі выказаўся аб знішчэнні манументаў у Эстоніі

Супрацоўнікі Эстонскага ваеннага музея знішчылі манументы памяці байцоў Чырвонай арміі, якія вызвалялі тэрыторыю балтыйскай рэспублікі ад нацысцкай акупацыі.

Акт вандалізму адбыўся на тэрыторыі Талінскіх ваенных могілак. У прэс-службе МЗС Беларусі заявілі, што гэта чарговы бесчалавечны акт апаганення памяці воінаў-вызваліцеляў.

"Застаецца толькі спытаць, дзе былі б зараз і пад якім флагам хадзілі б эстонскія гора-палітыкі, калі б не гераічны подзвіг людзей, помнікі якім яны так бяздумна і ганебна зносяць, і ў якую будучыню яны вядуць сваю краіну?", - адзначыла прэс-служба МЗС Беларусі.

Як паведамілі ў ведамстве, захаванне памяці пра герояў мінулага - гэта не толькі даніна павагі, але і аснова пабудовы будучыні. Павага да гісторыі з'яўляецца прыкметай сілы духу і сталасці грамадства. Зыходзячы з гэтых учынкаў, можна сказаць, што ў Эстоніі няма ні таго, ні другога.