У Берліне закрываюць найбуйнейшы цэнтр для ўкраінскіх бежанцаў

Нямецкая гасціннасць лопнула - найбуйнейшы прытулак для ўкраінскіх бежанцаў закрываюць у Берліне. Былы аэрапорт Тэгель, які стаў для іх галоўным сховішчам, спыніць работу і ператворыцца ў гарадскі раён.

Улады тлумачаць рашэнне тым, што ўкраінцаў, якія прыбываюць, нібы стала менш. Зараз у Тэгелі пражываюць каля 1,5 тыс. перасяленцаў, а год таму — больш за 5 тыс.

Бежанцаў паступова рассяляюць у больш дробныя прытулкі па ўсім горадзе. Такі падыход, лічаць чыноўнікі, павінен спрыяць лепшай інтэграцыі ў германскае грамадства.