3 лістапада пройдзе адкрыццё надмагільнага помніка Змітраку Бядулю

На Усходніх могілках Мінска адкрыюць надмагільны помнік Змітраку Бядулю. Дата выбрана не выпадкова - менавіта ў гэты дзень 84 гады таму абарвалася жыццё беларускага пісьменніка, чыё слова стала сімвалам духоўнай стойкасці і любові да роднай зямлі.

Помнік створаны па ініцыятыве Музея гісторыі беларускай літаратуры і пры падтрымцы соцень неабыякавых беларусаў, якія ўдзельнічалі ў дабрачынным зборы сродкаў.

Аўтары манумента - скульптар Сяргей Гумілеўскі і архітэктар Віктар Карака - імкнуліся перадаць павагу да чалавека, чые творы назаўжды ўвайшлі ў залаты фонд нацыянальнай культуры.

Пачатак цырымоніі а 12-й гадзіне. Ушанаваць памяць пісьменніка прыйдуць літаратары, дзеячы культуры і нашчадкі Змітрака Бядулі.