У Жыткавічах мадэрнізуюць аддзяленне інтэнсіўнай тэрапіі і рэанімацыі ЦРБ

Аказанне неадкладнай медыцынскай дапамогі насельніцтву хутка выйдзе на больш высокі ўзровень у Жыткавіцкім раёне. Гэта стане магчымым пасля завяршэння мадэрнізацыі аддзялення інтэнсіўнай тэрапіі і рэанімацыі Цэнтральнай раённай бальніцы.

Падрадная арганізацыя пачала апгрэйд у чатырохпавярховым лячэбным корпусе. Паводле праекта, на другім паверсе стацыянара свабодна размесціцца высокатэхналагічнае абсталяванне. Камфортней стане пацыентам і медперсаналу. Абнаўленне матэрыяльна-тэхнічнай базы Жыткавіцкай ЦРБ адкрывае шырокія перспектывы для развіцця аховы здароўя Палесся.

Людміла Катлярчук, галоўны ўрач Жыткавіцкай цэнтральнай раённай бальніцы:

"Рэанімацыя са старых плошчаў перамесціцца ў новае месца, дзе будуць выкананы ўсе санітарныя нормы і правілы, каб лячыць пацыентаў. Колькасць ложкаў не памяншалася, іх размясцілі на іншых плошчах, таму ўсе паслугі мы аказваем".

Завяршыць рамонт плануецца не пазней за май 2026 года. Адкрыццё аддзялення інтэнсіўнай тэрапіі і рэанімацыі - праз год.