Міністры абароны Азербайджана і Беларусі правялі сустрэчу ў Мінску

Супрацоўніцтва паміж Беларуссю і Азербайджанам носіць адкрыты характар і адрозніваецца высокім узроўнем рознабаковага дыялогу, заявіў міністр абароны Беларусі Віктар Хрэнін.

У гэтыя дні ў Мінску прымаюць ваенную дэлегацыю з Баку. Кіраўнік беларускага абароннага ведамства сустрэўся з калегам з Азербайджана Закірам Гасанавым. Бакі абмеркавалі бягучы стан двухбаковага ваеннага супрацоўніцтва і намецілі шляхі яго інтэнсіфікацыі. Міністр абароны Азербайджана адзначыў, што абмен дэлегацыямі з'яўляецца не толькі абменам вопыту, але і збліжэннем дзвюх краін. У Беларусі і Азербайджана агульная гісторыя з часоў Вялікай Айчыннай вайны.

Пасля перамоў кіраўнікі абаронных ведамстваў усклалі кветкі да манумента ахвярам вайны на плошчы Перамогі ў Мінску.