На пасяджэнні экспертнага савета ў Савеце Рэспублікі разгледзелі 3 законапраекты

У Савеце Рэспублікі прайшло пасяджэнне экспертнага савета. На ім парламентарыі, прадстаўнікі зацікаўленых ведамстваў і экспертнай супольнасці разгледзелі 3 законапраекты. Сярод іх праект аб змяненні законаў па пытаннях дзейнасці органаў Камітэта дзяржкантролю.

Абмеркавалі і новаўвядзенні, якія датычацца праекта аб змяненні законаў па пытаннях дзейнасці Савета Міністраў, а таксама праект аб змяненні законаў па пытаннях прафілактыкі правапарушэнняў. Хочуць адкарэктаваць сістэму прафілактыкі безнагляднасці і правапарушэнняў непаўналетніх. Таксама новаўвядзенні закрануць дакумент аб адказным абыходжанні з жывёлінамі.