Пасол Беларусі сустрэўся з кіраўніком МЗС Венесуэлы

У Каракасе беларускі пасол Дзмітрый Дзеравінскі сустрэўся з кіраўніком венесуэльскага МЗС Іванам Эдуарда Хілем Пінта.

Дзеравінскі пацвердзіў салідарнасць нашай краіны з народам і ўрадам Баліварыянскай рэспублікі ў справе абароны нацыянальных інтарэсаў і дзяржаўнага суверэнітэту.

Пасол Беларусі таксама рашуча асудзіў агрэсію ў дачыненні да мірнай Венесуэлы і выказаў спачуванні з нагоды гібелі ў выніку амерыканскай атакі вялікай колькасці людзей.

Кіраўнік МЗС Венесуэлы, у сваю чаргу, выказаў шчырую ўдзячнасць Прэзідэнту Беларусі за цвёрдую пазіцыю ў пытанні абароны венесуэльскага суверэнітэту.