Саўмін падвёў папярэднія вынікі выканання дзяржпраграм

Большасць дзяржпраграм бягучай пяцігодкі прызнаны эфектыўнымі. 11 чэрвеня Саўмін падвёў папярэднія вынікі. Пры гэтым ва ўрадзе адзначылі, што падыходы да дзяржпраграмавання трэба ўдасканальваць. Упор на  якасць і аддачу ад укладзеных сродкаў. Напрыклад, адзін з прыярытэтаў  - будаўніцтва арэнднага жылля - не павінна зводзіцца выключна да квадратных метраў. Канчатковая мэта - замацаванне запатрабаваных спецыялістаў на сяле. Рэалізацыя гэтай дзяржпраграмы павінна наглядна паказваць, як змяняецца жыццё ў рэгіёнах. Усе найважнейшыя задачы на перспектыву вызначаны ў Праграме сацыяльна-эканамічнага развіцця. Дзяржпраграмы павінны таксама адпавядаць гэтым мэтам.

У бягучай пяцігодцы рэалізуецца 29 дзяржпраграм. За 4 гады на іх выкананне накіравана каля 560 млрд рублёў. Траціна  - бюджэтныя сродкі.