У МЗС Беларусі заявілі пра гатоўнасць наладжваць раўнапраўны дыялог з ФРГ і ЕС

Беларусь гатовая да наладжвання прагматычнага і раўнапраўнага дыялогу з Германіяй і Еўрасаюзам, заснаванага на ўзаемнай павазе і ўліку інтарэсаў бакоў. Пра гэта заявілі ў МЗС нашай краіны.

Кіраўнік нашага знешнепалітычнага ведамства Максім Рыжанкоў сустрэўся з паверанай у справах Федэратыўнай Рэспублікі Германія ў Беларусі з нагоды ўручэння арыгіналаў даверчых грамат. Бакі абмеркавалі стан і перспектывы развіцця беларуска-германскіх адносін з улікам міжнародна-палітычных рэалій і актуальнай сітуацыі ў рэгіёне.