ЗША здымаюць санкцыі з авіякампаніі "Белавія"

Злучаныя Штаты Амерыкі знялі санкцыі з авіякампаніі "Белавія". Аб гэтым на сустрэчы з Прэзідэнтам Беларусі Аляксандрам Лукашэнкам заявіў прадстаўнік прэзідэнта ЗША Джон Коўл, перадае БЕЛТА.

"Хачу афіцыйна зараз тут заявіць, што мы знялі санкцыі з "Белавія". Гэта афіцыйна. У мяне была сустрэча з прэзідэнтам Трампам, у якой удзельнічалі яшчэ некалькі дзясяткаў чалавек. Гэтае рашэнне было прынята прэзідэнтам, які сказаў: "Зрабіце гэта неадкладна". У дачыненні да "Белавія". Зараз гэтае рашэнне, якое ўжо зацверджана, прынята ўсімі адпаведнымі міністэрствамі і ведамствамі, залучанымі ў гэтую работу. І Дзярждэпартамент, і Міністэрства гандлю, і Міністэрства фінансаў, і астатнія арганізацыі, якія ў гэта залучаны. Гэтае рашэнне прынята", - падкрэсліў Джон Коўл.