Мультыбрэндавы цэнтр беларускай тэхнікі адкрыюць у Растове-на-Доне

У Растове-на-Доне рыхтуецца да адкрыцця мультыбрэндавы цэнтр беларускай тэхнікі. Новая пляцоўка будзе аказваць паслугі па тэхабслугоўванні і продажы запчастак на поўдні Расіі.

На перамовах ва ўрадзе адзначана, што гэта дапаможа пашырыць прысутнасць нашых брэндаў у Растоўскай вобласці. А ў цэлым Беларусь гатова працаваць у кааперацыі з прадпрыемствамі рэгіёна па любых узаемавыгадных пазіцыях, падкрэсліў віцэ-прэм'ер Юрый Шулейка.

Растоўская вобласць плануе абнавіць парк пасажырскай тэхнікі - закупіць каля тысячы аўтобусаў. З адкрыццём цэнтра ў МАЗа ёсць перавагі. Гэта гарантыя своечасовага абслугоўвання беларускіх машын.