Адбылася тэлефонная размова прэзідэнтаў Беларусі і Расіі

Тэлефонная размова прэзідэнтаў Беларусі і Расіі адбылася вечарам 7 красавіка. Пра гэта паведаміла прэс-служба беларускага лідара. Уладзімір Пуцін патэлефанаваў Аляксандру Лукашэнку і падзякаваў за затрыманне найбуйнейшай партыі асоба небяспечнага грузу - выбухоўкі.

Яе напярэдадні спрабавалі правезці ў Расію. Спробу ўвозу спыніла Беларуская мытня. Устаноўлена, што гэта наймацнейшае выбуховае рэчыва, малая колькасць якога можа прывесці да сур'ёзных наступстваў.

Прэзідэнт Расіі папрасіў перадаць падзяку і наколькі можна заахвоціць спецыялістаў і экспертаў, якія выявілі і ідэнтыфікавалі небяспечны груз.

Акрамя таго, кіраўнікі дзяржаў абмеркавалі сустрэчы, што плануюцца, у тым ліку напрыканцы красавіка ў Валгаградзе.

Таксама ў размове Аляксандр Лукашэнка і Уладзімір Пуцін абмеркавалі  беларуска-расійскія вучэнні "Захад-2025" і каротка закранулі сітуацыю ў зоне спецыяльнай ваеннай аперацыі.