Аляксандр Лукашэнка падпісаў указ аб прызыве афіцэраў запасу на ваенную службу

Прэзідэнт Беларусі Аляксандр Лукашэнка 5 мая падпісаў указ № 179 "Аб прызыве афіцэраў запасу на ваенную службу", паведамілі ў прэс-службе беларускага лідара.

Сёлета прадугледжваецца прызваць ва Узброеныя Сілы і органы пагранічнай службы грамадзян Рэспублікі Беларусь мужчынскага полу ва ўзросце да 27 гадоў з ліку афіцэраў запасу, якія не прайшлі тэрміновую ваенную службу, службу ў рэзерве Узброеных Сіл і якія не маюць права на адтэрміноўку ад прызыву.

Мерапрыемствы, прадугледжаныя гэтым дакументам, праводзяцца Узброенымі Сіламі штогод на планавай аснове.

Рэалізацыя ўказа дазволіць павысіць узровень укамплектаванасці пярвічных воінскіх пасад афіцэрскага складу і забяспечыць падрыхтоўку мабілізацыйнага рэзерву.