Аляксандр Лукашэнка павіншаваў Патрыярха Кірыла з днём тэзаімянін

Віншаванне з днём тэзаімянін ад Прэзідэнта Беларусі Аляксандра Лукашэнкі атрымаў Патрыярх Маскоўскі і ўсяе Русі Кірыл. Пра гэта паведамляе БЕЛТА са спасылкай на прэс-службу беларускага лідара.

"Ваш заступнік, святы роўнаапостальны Кірыл, быў заснавальнікам асветніцкага руху на славянскай зямлі. Прадаўжаючы яго вялікую місію, Вы прысвяцілі жыццё служэнню народу і Царкве, захаванню і ўмацаванню традыцыйных каштоўнасцей, клопату аб маральным выхаванні моладзі", - гаворыцца ў віншаванні.

Кіраўнік дзяржавы адзначыў, што Патрыярх Кірыл здабыў заслужаны аўтарытэт рэлігійнага дзеяча і багаслова, чыя штодзённая духоўная праца садзейнічае аб'яднанню вернікаў і сцвярджэнню высокіх ідэалаў хрысціянства.

Аляксандр Лукашэнка пажадаў Патрыярху Кірылу добрага здароўя, дабрабыту і доўгіх гадоў жыцця.