Лукашэнка параіў не вар'яцець у Польшчы і Літве наконт прыезду працоўных мігрантаў у Беларусі

Прэзідэнт Беларусі Аляксандр Лукашэнка параіў не вар'яцець у Польшчы і Літве наконт прыезду працоўных мігрантаў у Беларусь. Аб гэтым ён заявіў, узгадняючы прызначэнне Сяргея Ляўковіча першым намеснікам старшыні Віцебскага аблвыканкама, паведамляе БЕЛТА.

"Трэба спыніць усялякія размовы наконт нейкіх працоўных рэсурсаў. Трэба гэтыя рэсурсы (існуючыя ў краіне. - Заўвага рэд.) прымусіць працаваць і задзейнічаць. Тое, чаго не хапае, - людзі едуць (на работу ў Беларусь. - Заўвага рэд.) не толькі з паўднёвых рэгіёнаў былога Савецкага Саюза, але і з Расіі. З Літвы, Латвіі, нават Польшчы, няхай няшмат, але яны да нас едуць, гатовы працаваць. Глядзіце на месцы персанальна кожную сям'ю, кожнага чалавека. Калі вас гэта задавальняе - прымайце на работу. Я ўжо пра гэта гаварыў. Каб не было крыку, гвалту і шуму, што мы там чужых бяром. Не хочаце чужых - працуйце самі. Мы не настойваем на тым, каб прыязджалі з іншых рэспублік. Але мы без гэтага ў Віцебскай вобласці не абыдземся. Таму і працоўная міграцыя - гэта нармальна", - сказаў Прэзідэнт.