Беларускае грамадзянства атрымалі 311 чалавек, у тым ліку 26 непаўналетніх

Прэзідэнт Беларусі Аляксандр Лукашэнка 27 сакавіка падпісаў указ № 126 "Аб прыёме ў грамадзянства Рэспублікі Беларусь". Пра гэта паведамляе БЕЛТА са спасылкай на прэс-службу беларускага лідара.

Кіраўнік дзяржавы прыняў рашэнне аб прыёме ў беларускае грамадзянства 311 чалавек, у тым ліку 26 непаўналетніх.

Акрамя  выхадцаў з Украіны грамадзянамі Беларусі сталі асобы, якія прыбылі з Азербайджана, Арменіі, В'етнама, Грузіі, Ірана, Казахстана, Кыргызстана, Латвіі, Лівана, Малдовы, Расіі, Сірыі, Таджыкістана, Туркменістана і Узбекістана.

Адначасова Прэзідэнтам прынята рашэнне аб адхіленні заяў аб прыёме ў грамадзянства шэрагу асоб, якія неаднаразова парушалі законы Беларусі.