"Без бульбы не будзем!" Лукашэнка расказаў наконт сітуацыі з гэтым прадуктам у магазінах

Прэзідэнт Беларусі Аляксандр Лукашэнка 8 мая, выступаючы на адкрыцці Міжнароднага выставачнага цэнтра ў Мінску, выказаўся наконт сітуацыі з бульбай у магазінах, паведамляе БЕЛТА.

Прэзідэнт адзначыў, што грамадзяне хочуць купляць прадукцыю па нізкіх цэнах, а сяляне, наадварот, зацікаўлены прадаць свой тавар даражэй. І так выйшла, што ў Расіі цэны на тую ж бульбу аказаліся ў некалькі разоў вышэй, чым у Беларусі. Таму вытворцы арыентаваліся на расійскі рынак.

"Калі перажываеце за бульбу - месяц вытрымаем. Але без бульбы не будзем", - падкрэсліў Аляксандр Лукашэнка.

Паводле яго слоў, Камітэту дзяржаўнага кантролю даручана разабрацца з сітуацыяй у гандлёвых сетках і паглядзець, якой прадукцыі не хапае.