Лукашэнка: Беларусь і М'янма пабудавалі падмурак адносін, але трэба рухацца наперад

Беларусь прапануе М'янме вызначыць фундаментальныя праекты для развіцця супрацоўніцтва. 7 сакавіка ў Мінску прайшлі перамовы Аляксандра Лукашэнкі і прэм'ер-міністра гэтай краіны. Ён прыбыў да нас з афіцыйным візітам. Лакаматывам партнёрства павінны стаць канкрэтныя эканамічныя справы. Нягледзячы на санкцыі, якія на сабе адчуваюць і Мінск, і Нейпьідо, зараз момант, каб узмацніць адносіны паміж дзяржавамі.

Яшчэ трэба будзе вызначыць дарожную карту супрацоўніцтва, але ўжо зараз у агульнай скарбонцы важныя пагадненні ў сферах абароны інфармацыі, юстыцыі, сельскай гаспадаркі і харчавання, а таксама пакет кантрактаў. Можна гаварыць пра перазагрузку з гэтай краінай у перспектыўным рэгіёне Паўднёва-Усходняй Азіі (відэа).