Лукашэнка: Беларусь - перакананы прыхільнік паглыблення еўразійскай інтэграцыі

Беларусь была і застаецца перакананым прыхільнікам паглыблення еўразійскай інтэграцыі. Аб гэтым Прэзідэнт Беларусі Аляксандр Лукашэнка заявіў 19 чэрвеня на нарадзе па падрыхтоўцы пасяджэння Вышэйшага Еўразійскага эканамічнага савета і Еўразійскага эканамічнага форуму, паведамляе БЕЛТА.

"Яшчэ раз адзначу: Беларусь была і застаецца перакананым прыхільнікам паглыблення еўразійскай інтэграцыі і пабудовы эфектыўна працуючай агульнай эканамічнай прасторы на аснове даверу і паразумення", - заявіў кіраўнік дзяржавы.

Падчас нарады абмяркоўваліся арганізацыйныя пытанні правядзення Еўразійскага эканамічнага форуму і пасяджэння Вышэйшага савета, а таксама парадак дня саміту і найбольш важныя яго пункты.