Лукашэнка: ДКСЭ стварае ў грамадстве атмасферу даверу і ўпэўненасці людзей ва ўласнай абароненасці

Прэзідэнт Беларусі Аляксандр Лукашэнка павіншаваў супрацоўнікаў і персанал Дзяржаўнага камітэта судовых экспертыз з прафесійным святам - Днём судовага эксперта. Пра гэта паведамляе БЕЛТА са спасылкай на прэс-службу беларускага лідара.

"Працягваючы шматгадовыя традыцыі, якія склаліся ў айчыннай судовай экспертызе, Дзяржаўны камітэт сёння паспяхова вырашае ўнікальныя і складаныя задачы ў справе абароны правоў грамадзян, інтарэсаў грамадства і дзяржавы. Дзякую за вашу штодзённую карпатлівую працу, высокі прафесіяналізм, гонар і вернасць прынцыпам законнасці, аб'ектыўнасці і справядлівасці. Садзейнічаючы ў судаводстве прыняццю непрадузятых і ўзважаных рашэнняў, вы ствараеце ў грамадстве атмасферу даверу да органаў правапарадку і ўпэўненасці людзей ва ўласнай абароненасці, што з'яўляецца адной з найважнейшых стратэгічных задач гарантавання нацыянальнай бяспекі", - гаворыцца ў віншаванні.

Кіраўнік дзяржавы выказаў перакананне, што, укараняючы перадавы вопыт, якасна ўзмацняючы падрыхтоўку асабовага складу, удасканальваючы навукова-метадычную і матэрыяльную базы, ДКСЭ працягне пашыраць экспертныя магчымасці ў справе барацьбы са злачыннасцю на карысць бяспечнага і стваральнага развіцця роднай Беларусі.