Лукашэнка канстатаваў, што продаж калійных угнаенняў выйшаў на дасанкцыйны ўзровень

Продаж беларускіх калійных угнаенняў выйшаў на дасанкцыйны ўзровень. Аб гэтым Прэзідэнт Беларусі Аляксандр Лукашэнка паведаміў 23 мая падчас выязной нарады па пытаннях будаўніцтва і ўводу ў эксплуатацыю горна-ўзбагачальнага комплексу ў Любанскім раёне, інфармуе БЕЛТА.

"Увялі санкцыі супраць калійных угнаенняў - ну і што? Сёння кіраўнік Андрэй Рыбакоў (генеральны дырэктар ААТ "Беларуськалій") дакладвае, што яны выйшлі на продажы калійных угнаенняў дасанкцыйнага перыяду. Немагчыма санкцыямі стрымаць развіццё любой краіны, нават невялікай. Немагчыма", - падкрэсліў Аляксандр Лукашэнка.

"Тыя, хто ўводзіць санкцыі, некалі - памятаеце - выступалі за глабалізацыю. За глабальныя сувязі і іншае. Дык усе краіны ўвязаны ў гэту глабалізацыю, як сёння можна вырваць нейкі ланцуг? Немагчыма, - адзначыў Прэзідэнт. - Мінеральныя ўгнаенні будуць патрэбны заўсёды. Таму на гэтым напрамку будзем дзейнічаць".